ذخیرہ الفاظ تشبیہات کی منصوبہ بندی

 Class VI

جماعت ششم                                  ذخیرہ الفاظ تشبیہات کی منصوبہ بندی

مقاصد خصوصی:

1.   تعریف کے ذریعے بچے تشبیہ کے بارے میں جان سکیں گے ۔

2.    تشبیہ کی مختلف مثالوں اور سرگرمیوں کے ذریعے تشبیہ سیکھنے اور پڑھنے کے بعداسے اپنی عملی زندگی میں استعمال کر سکیں گے ۔

اُردو میں لکھنے والوں کے لیے خوش خبری

تشبیہ کی تعریف:

کسی بھی چیز کو خاص وصف (نمایاں کوبی) کی وجہ سے کسی دوسری چیز کی مانند یا مشابہ قرار دینا تشبیہ کہلاتا ہے  مثلاً:  ”بلال شیر کی طرح بہادر ہے “۔

یہاں بلال کو شیر سے تشبیہ دی گئی ہے ۔ بلال اور شیر دونوں مختلف ہیں لیکن بہادری اور شجاعت کی صفت دونوں موجود ہے ۔ شیر اپنی بہادری کی وجہ سے مشہور ہے اس لئے بہادری میں شیر تشبیہ کے طور پر استعمال کیا گیا ہے ۔

 اہم نکات:

تشبیہ کی شرط یہ ہے کہ جس جان دار یا بے جان چیز کے ساتھ تشبیہ دی جا رہی ہے دونوں میں کسی مشترک (وصف) کا پایا جانا ضروری ہے دوسرا یہ کہ جس چیز سے تشبیہ دی جا رہی ہےاس میں یہ خوبی یا وصف زیادہ ہو ۔

سرگرمیاں:

٭    مندرجہ ذیل بکس میں سے جانور کا نام چن کر نیچے دئیے کالم میںان کی خصوصیت کے سامنے لکھئے ۔

لومڑی	شیر	گدھا	ہرن	چیتا	گرگٹ	بندر	کچھوا
جانور کا نام		خصوصیت		جانور کا نام		خصوصیت
		بیوقوف				پھرتیلا
		سست				رنگ بدلنے والا
		تیز رفتار				بہادر
		نقال				چالاک

 ٭    کچھ تشبیہات دی جارہی ہیں ہر تشبیہ کی مناسبت سے پرندے کا نام لکھئے۔

عقاب  ،کبوتر، کوئل ،کوا، اُلو،مور،فاختہ

 

1.   ــــــــــــــــــــــــــــــــ کی سی نگاہ رکھنے والا

2.    ــــــــــــــــــــــــــــــــ کی طرح معصوم

3.   ــــــــــــــــــــــــــــــــ کی طرح امن پسند

4.    ــــــــــــــــــــــــــــــــ کی طرح سریلی آواز

5.   ــــــــــــــــــــــــــــــــ کی طرح حسین

6.   ــــــــــــــــــــــــــــــــ کی طرح کالا

7.   ــــــــــــــــــــــــــــــــ کی طرح احمق

مزید استفادہ کیجیے :  اونٹ صحرائی جانور

٭    مندرجہ ذیل  پیراگراف میں مناسب تشبیہات لکھ کر خالی جگہ پر کیجئے ۔

رات کا وقت تھا ۔ میں گھپ اندھیرے میں چلا جا رہا تھا اتنے میں ایک طرف مجھے ــــــــــــــــــــــــــــــــ  کی طرح چمکتی آنکھیں نظر آئیں ، خوف سے میں ــــــــــــــــــــــــــــــــ  کی طرح کانپنے لگا۔ اچانک میرے پاس ــــــــــــــــــــــــــــــــ  کی سی سریلی آواز آئی میں ــــــــــــــــــــــــــــــــ  کی سی تیزی سے پلٹا ۔ اس کے ساتھ ہی کسی نے  ــــــــــــــــــــــــــــــــ جیسی پھرتی سے میرے اوپر چھلانگ لگا دی ۔ خوف کی  ــــــــــــــــــــــــــــــــ  جیسی ٹھنڈی لہر میری ہڈیوں میں دوڑ گئی ۔ اس کے ساتھ ہی ــــــــــــــــــــــــــــــــ   کی طرح کے تیز ناخن مجھے اپنی گردن پر محسوس ہوئے اور پھر میری آنکھ کھل گئی میں نے خدا کا شکر ادا کیا کہ یہ تو خواب ہے ۔