Rent Agreement Kirayanama Urdu

معاہدہ  برائے کرایہ

یہ معاہدہ آج مورخہ ...........................................  کو کراچی میں دونوں فریقین کے درمیان طے پایا۔

مابین بنام.................................حامل شناختی کارڈ نمبر................................. مالک جائیدادفریق اول ہے۔

اوربنام..................................حامل شناختی کارڈ نمبر.......................................کرایہ دار فریق دوئم ہے۔

متعلقہ جائیداد  جس کو کرایہ پر لین دین کا معاہدہ ہوا ہے

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

یہ معاہدہ  (کرایہ نامہ)  درج بالا فریقین کے درمیان مندرجہ ذیل شرائط کے تحت طے پایا

            فریق اوّل مذکورہ  جائیداد کا قانونی مالک ہے۔ فریق اوّل مذکورہ جائیداد کوکرائے پر دینے کے لیے اور فریق دوُم مذکورہ جائیداد کو کرائے پر لینے کے لیے ماہانہ کرایہ مبلغ ............................  روپے میں راضی ہے۔

دستخط فریق اوّل...................                                                    دستخط فریق دوُم..................

نام:                                                                                                        نام:

Rent Agreement (Kirayanama Urdu) 

ذر ضمانت    (سیکیورٹی دیپازٹ)

            فریق اوّل نے، پیشگی رقم مبلغ...................روپے  بطور ذرضمانت فریق دوُم سے وصول کرلیے ہیں جو مذکورہ معاہدے کی مدت ختم ہونے پر اُس صورت میں قابلِ واپسی ہیں کہ جب فریق دوئم  مذکورہ معاہدے کو جاری نہ رکھنا چاہے یا فریق اوّل کو..................... کامکمل خالی قبضہ سابقہ حالت میں حوالے نہ کردے  یا فریق دوئم کی جانب کوئی واجب ُ الادا رقم نہ ہو اگر فریق دوُم کی جانب کوئی واجبات کی ادائیگی باقی ہوگی تو فریق اوّل، فریق دوُم  سے وصول کی گئی ذرضمانت رقم میں سے مطلوبہ رقم حذف کرنے کا اختیار رکھتا ہے جس پر فریق دوُم کو کوئی اعتراض نہ ہوگا۔

ماہانہ کرایہ

            فریق  اوّل  نے مذکورہ  دُکان  فریق دوُم کو  ذاتی کاروبار کے لیے دورانِ مدتِ معاہدہ انگریزی مہینے کی اوّل تا آخرتاریخ کی بنیاد پر دی ہے جب کہ فریق دوُم ہر ماہ کی پانچ  (۵)  تاریخ تک مقررہ واجبُ الادا کرایہ پیشگی ادا کرنے کا پابند ہوگا بصورتِ دیگر تین سو روپے (۰۰۳)  یومیہ اضافی مہینے کی ۰۲ تاریخ تک لازمی ادا کرنے ہوں گے عدم ادائیگی پر فریقِ اوّل کو یہ اختیار ہوگا کہ دُکان کو تالا لگا کربند کردے  جس پر فریقِ دوُم کو ئی عُذر نہ کرے گا۔

 

یو ٹیلٹی بلز

            تمام واجباتگیس، بجلی، پانی، ٹیلی فون، انٹرنیٹ، کیبل ٹی وی،یونین و دیگر تمام یوٹیلٹی بلزکی ادائیگی فریق دو ُم خود ادا کرنے کا پابند ہوگا۔  اور تمام بلز کی ادائیگی کے بعد اصل کی فوٹو کاپی کرواکر اپنے پاس محفوظ رکھے گا اور اصل بل فریق اوّل کو دینے کا پابند ہوگا۔  عمارت کے پانی کی موٹرکے واجبات کی ادائیگی فریقِ دوُم کی خواہش پراُس کی ذمہ داری ہے لہٰذا فریقِ اوّل کا اُس سے کوئی تعلق نہیں ہوگا۔

املاک

            معاہدے کی مُدت کے دوران دُکان کی دیواروں، دروازوں، پانی وبجلی کی لائنوں، چھت اور تعمیراتی احاطے (املاک) کی دیکھ بھال اور ٹوٹ پھوٹ کی تمام ذمہ داری فریق دوُم پر عائد ہوگی، اگر کوئی مسئلہ پانی، سیوریج، بجلی، گیس سے متعلق درپیش آتا ہے تو فریق اوّل کو مطلع کرنے کا پابند ہوگانیز کسی قسم کا تعمیراتی ردو بدل اور توڑ پھوڑ نہیں کرے گا البتہ ضرورت کے تحت فریق اوّل سے پیشگی اجازت لے گا اورپھراپنے خرچ پر مکمل کام کرائے گااور فریقِ اوّل کی خواہش پر دُکان خالی کرتے وقت اصل حالت میں لانے پر جو بھی اخراجات ہوں گے وہ بھی برداشت کرے گا.  مذکورہ دُکان میں کسی بھی قسم کی سیاسی،  مذہبی،  غیرقانونی  و غیر اخلاقی سرگرمی یا غیر ضروری افراد کی بیٹھک،  آمدورفت ممنوع ہوگی مزید  یہ کہ دُکان میں کسی بھی ادارے یا فرد کو کسی بھی شکل میں شریک، تشہیر نہ کرنے کا پابند ہوگا  جب کہ دورانِ کاروبار گزرگاہ کا خاص خیال بھی رکھے گا تا کہ دیگر افراد کو کسی بھی قسم کی پریشانی کا سامنا نہ کرنا پڑے اور یہ کہ تمام بالا شرائط پر سختی سے عمل پیرا رہے گا جب کہ کسی بھی قسم کی خلاف ورزی پر فریقِ اوّل کو یہ اختیار حاصل ہوگا کہ سات (۷) یوم کے نوٹس پر دُکان خالی کرالے یا تالا ڈال کر بند کردے اور دُکان بند ہونے کے باوجود فریقِ دوُم طے شُدہ کرایہ بھی ادا کرنے کا پابند ہوگا۔ جس پر نہ تو کوئی اعتراض ہوگا اور نہ ہی کوئی دعویٰ  بصورتِ دیگر تمام تر ذمہ داری اور قانونی معاملات کے اخراجات بھی فریقِ دوُم ہی برداشت کرنے کا پابند ہوگا۔  اور اگرفریق دوُم طویل مدت / غیر معینہ مدت کے لیے مذکورہ  جائیداد کو چھوڑ کر کہیں جائے گا تو فریق اوّل کومطلع کرنے کا پابند ہے۔

ناگہانی آفات

            فریق اوّل، جادئیداد سے متعلق فریق دوُم کو پہنچنے والے کسی بھی قسم کے نقصان (مثلاً آگ، گیس، چوری، بجلی، شارٹ سرکٹ دہشت گردی یا کسی  ناگہانی آفت خدا نخواستہ زلزلہ، آندھی،  طوفان وغیرہ سے پہنچنے والے کسی بھی نقصان کا ذمہ دار نہیں ہوگا۔  محکمہ بجلی و پانی کی جانب سے کسی دیرینہ مسئلے کے پیش آنے کی صورت میں پانی اور بجلی کا عارضی بندوبست (جنریٹر / یو پی ایس  یا  پانی کا ٹینکر) فریق دوُم کی اپنی ذمہ داری ہے جس کے تمام اخراجات کا فریق دوُم خود ذمہ دار ہوگا۔

 

 

 

مُدت

                        مذکورہ معاہدے کی مُدت گیارہ ماہ یعنی ۔۔۔۔۔۔۔سے ۔۔۔۔۔۔۔۔۔۔  تک ہے جو اُس صور ت میں قابلِ تجدید ہوگا جب فریق دوُم ماہانہ حالیہ کرایہ کا  پندرہ  (۵۱)  فیصد تجدید شُدہ معاہدے میں شامل کرنے پر رضامند ہو۔ فریق اوّل مذکورہ جائیداد خالی کروانے کے لیے فریق دوُم کو ایک مہینے پہلے پیشگی اطلاع دے گا اسی طرح اگر فریق دوُم مکان خالی کرنا چاہے گا تو فریق اوّ ل کو ایک مہینہ پہلے پیشگی اطلاع دینے کا پابند ہوگا۔

منسوخی ِ معاہدہ

            فریقِ دوُم کی جانب سے مندرجہ بالا شرائط و ضوابط  / شق وغیرہ کی خلاف ورزی،  غیر قانونی/ مشکوک یا غیر اِخلاقی حرکات و سکنات کی صورت میں فریق اوّل مذکورہ معاہد ہ (کرایہ نامہ) کو منسوخ کرنے کا اختیار رکھتا ہے اورفریق دوُم سے پندرہ (۵۱) دن کے نوٹس پر مذکورہ  دُکان خالی کرانے کا اختیار رکھتا ہے۔

قانونی پابند

            فریق اوّل کے پاس ا ِ س مذکورہ معاہدے کے جملہ تمام حقوق محفوظ ہیں اور فریقِ دوُم معاہدے کی تمام شق کی پاسداری کا قانونی اوراخلاقی طور پر پابند رہے گا۔

دستخط فریق اوّل...................                                        دستخط: گواہ(منجانب: فریق اوّل).........................          

نام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔                          نام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دستخط فریق دوُم..................                                         دستخط: گواہ(منجانب: فریق دوُم).........................

نام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔                     نام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔