Curriculum vitae in Urdu

 کوائف نامہ

                  مکمل نام 

 مکمل پتا

ہدف :

 

				تعلیمی کوائف :
اسکول / کالج/جامعہ/ بورڈ			تعلیمی سال	سند:
						1)
						2)
						3)
						4)
			ذاتی کوائف :
					نام :
					ولدیت:
	جائے پیدائش:				تاریخِ پیدائش:
					ڈومیسائل:

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

Quaid-e-Azam ka Khat

 

قائداعظم کاخط بنام اسلامی جمہوریہ پاکستان
میرے پیارے پاکستان!
شاد رہو آباد رہو
یہ اللہ تبارک و تعالیٰ کا وعدہ ہے کہ وہ نیک نیتی کے جذبے کے ساتھ محنت و لگن سے کام کرنے والے کوکبھی مایوس نہیں کرتا ہماری جدوجہد ایک عظیم مقصد ( آزادی ) اور ظلم کے خلاف تھی میں اس جدوجہد میں شریک اپنے عزیز ساتھیوں کو خراجِ تحسین پیش کرتا ہوں کہ جنھوں نے میرا ساتھ نہ دینے کے لیے کوئی بھی عُذر تلاش کیا ہو جس سے جو کام ہوسکتا تھا اُس نے وہ کام خود اپنے ذمہ لے لیا اور بالآخر اس تحریک کی دن رات کی کوششوں سے ہم اپنے مقصد کوحاصل کرنے میں کامیاب ہوگئے ۔  

قوموں کے اتحاد اور یقین محکم نے دُنیا کے نقشے کو بدل کر رکھ دیا میں اپنے بچوں سے ہمیشہ یہ ہی کہتا رہا ہوں کہ جب تک تم ایک قوم ، ایک اُمّت رہو گے تمھارا کوئی کچھ نہیں بگاڑ سکتا میں نے اُردُو کو بہ حیثیت قومی زبان اسی لیے قراردیا کہ ایک اللہ جل جلالہٗ ، ایک رسول ﷺ اور ایک قرآن کے ساتھ اگر کوئی شے میرے بچوں کو ایک رکھ سکتی ہے تو وہ اُردُو بہ حیثیت قومی زبان ہے میں نے کسی انجان یا غیر مانوس زبان کو قومی زبان قرارنہیں دیا بلکہ ایک ایسی زبان کا انتخاب کیا کہ جسے میرا بچہ بچہ سمجھتا ہے بولتا ہے اور اپنی بات بآسانی دوسرے تک پہنچا سکتا ہے ، میں نے تمام معاملات جلد از جلد قومی زبان میں کرنے کا بھی کہا کیوں کہ بنانے والا بہتر جانتا ہے کہ بنائے جانے والی شے کو کس طرح اُس کی اصلی حالت میں باقی رکھا جاسکتا ہے ، اس میں کوئی تاخیر سے کام لیتا ہے تو اُسے میں نے اس نہایت اہم اوربنیادی فریضے کی ادائیگی کرنے میں سسُت روی کا مظاہرہ کرنے پر  میں نےملک دُشمن کہا مگر حکمِ عدالت آجانے کے بعدتو میں اُسے مجرم بھی سمجھتا ہوں  میں دیکھ رہا ہوں کہ طلبا کے ساتھ تعلیم کے نام پر کیا کھلواڑ کیا جارہا ہے ، مایوس نہ ہو میرے بیٹے حوصلہ رکھو میں بفضلِ اِلٰہی پُر اُمید ہوں کہ اقبال ؒ کی شمع کی روشنی ضرور ہر سُو پھیل کر اندھیروں کو اُجالوں میں بدل دے گی ۔

خدا تمھارا حامی و ناصر رہے

محمد علی جناح

تحریر : عظیم عارضؔ

Pakistan mein urdu ka mustaqbil

Pakistan mein urdu ka mustaqbil

پاکستان میں اُردو کا مستبقل  

تحریر : عظیم عارضؔ

اردو دنیا کی تیسری یا چوتھی بڑی بولی جانے والی زبان ہے اور یہ اس بات کا تقاضا کرتی ہے کہ اسے اہمیت دی جائے۔ زبان کی بڑائی کا اندازہ اس بات سے لگایا جاسکتا ہے کہ  بول چال  اور تحریر میں اس کا کتنا استعمال کیا جاتا ہے،  اس  میں چھپائی کا کتنا کام ہوتا ہے، کتنی کتب شائع ہوتی ہیں، کتنے اخبارات، رسائل و جرائد  اور اشتہارات شائع ہوتے ہیں،کتنے لوگوں کی روزی روٹی اس سے وابستہ ہوتی ہے،کتنے لوگوں کے درمیان رابطے کا ذریعہ ہوتی ہے ۔  تو الحمد للہ  ہم کتابیں ، اخبارات ، رسائل و جرائد ، بینرز ، دعوت نامےاور ہر طرح کا تشہیری مواد اردو کے اپنے رسمِ خط میں چھاپ رہے ہیں  پہلے جو کام ہاتھ (خطاطی) سے یا ٹائپ رائٹر سے لیا جاتا تھا اب کمپیوٹر اور موبائل سے لیا جارہا ہے ۔

 موبائل پیغام رسانی کے لیے رومن حروف تہجی کا سہارا لیا جاتا تھا اب اُردو رسمِ خط میں لکھنے کے لیے مختلف ایپس دستیاب ہیں ۔ ٹیلی ویژن پر خبریں، ڈرامے ، اشتہارات ، ٹاک شوزاور مختلف پروگرام اُردو میں نشرکیے جاتے ہیں محافل و میلاد، مجالس  و جلسے جلوس یا دیگر تقریبات کی کارروائی اُردو میں ہی انجام دی جاتی ہے  ۔  کاروباری معاملات کے لیے اُردو زبان کا ہی سہارا لیا جاتا ہے مختلف زبانیں بولنے والے مختلف صوبوں سے تعلق رکھنے والے   عوام کے درمیان رابطے کی واحد اور آسان فہم زبان آج بھی اُردو ہی ہے ۔ سیاست و خطابت  اورعدالتوں میں مقدمات 

کی سماعت کی زبان اُردو  ہے۔

https://youtu.be/3WCfl_KISFc

  درسگاہوں میں ذریعہ تعلیم اُردو زبان ہے انگریزی میڈیم اسکولوں میں پڑھایا انگریزی میں جاتا ہے لیکن سمجھایا اُردو میں ہی جاتا ہے اور اُردو لازمی مضمون کی حیثیت سے پڑھائی جاتی ہے  جب کہ دینی درس گاہوں میں  مکمل ذریعہ تعلیم اُردو زبان ہی ہے۔

ہمارے کتب خانے اردو رسمِ خط میں لکھی گئی کتب سے بھرے پڑے ہیں  انسائیکلو پیڈیا ہمارے  پاس ہے لغات ہم نے شائع کی  ہیں۔ ہر علم پر اصطلاحات اردو میں ہمارے پاس موجود ہیں۔ اسی طرح دفتری مراسلت پر سارا کام اردو میں ہوچکا ہے  بانی پاکستان  کے فرمان  ،آئین پاکستان  اور عوام کی اُمنگوں کے مطابق اردو کا قومی زبان کے طور پر استعمال  ہر سطح پر ہوسکتا ہے بشرطیکہ حکومت کی نیت  صحیح ہو۔ اگر اب بھی ہم نے اس طرف توجہ نہیں دی  توہم جس قدر اس قومی فریضے کے ادائیگی میں تاخیر اور سستی سے کام لیں گے  اتنی ہی یہ بات ہمارے لیے نقصان کا باعث ہوگی۔

زبان اور ثقافت کا آپس میں  انتہائی کتنا گہرا رشتہ ہوتا ہے اور ثقافت کو پروان چڑھانے اور زندہ رکھنے   کے لیے زبان کو پروان چڑھانا اور زندہ رکھنا انتہائی ضروری ہے اور کسی بھی زبان کے زندہ رہنے کے  لیے اس کی تحریر کا زندہ رہنا ایک لازمی امر ہے۔ اُردو کے مستقبل کو خدا وندِ کریم کے فضل و کرم سے پاکستان میں  کوئی خطرہ نہیں ہاں البتہ اردو زبان کے لیے اگر کوئی چیز نقصان دہ ہے تو وہ ہے اسے رومن رسمِ خط میں لکھنا  کہ جن لوگوں نے یہ لاطینی رسم الخط اپنایا وہ اپنی تہذیب سے کٹ گئے  اُن کا اپنی زبان کے رسم ِ خط میں لکھا ہوا بیش قیمتی کتب کا ذخیرہ برباد ہوگیاجس  کی بڑی مثال ترکی ہے یا پھر وسطی ایشیا کی ریاستیں۔

تو  اگر ہمیں اپنی زبان و تہذیب سے محبت ہے اور اِسے بچانا ہے  تو ہمیں اردو کو اس کے اپنے رسم ِ خط میں لکھنا ہوگا انگریزی کے غیر ضروری استعمال سے ہر ممکن بچنا ہوگا۔