azad | tum azad ho | azadi | safar e ishq

  azad | tum azad ho | azadi | safar e ishq

آزاد   ۔ تم آزاد ہو  ۔  آزادی  ۔  سفرِ عشق

تحریر: عظیم عارضؔ

ایک مسافر اپنے خاندان والوں کو لے کر ایک ایسے ظالم و جابر بادشاہ کو خدائی حدود کی پامالی سے روکنے کی غرض  سے سفر پر نکلا جو حکومت و طاقت ، غرور و تکبر کے نشے میں خدائی احکامات کو روند دینا چاہتا تھا۔
  حالانکہ یہ سفر مشکلات اور دُشوار راستوں سے گزرتا تھا ، جو بھی اس راستے کی طرف نکلا وہ کرب اور بلاؤں میں مبتلا ہوا لیکن  اس مسافر کے دل میں ایمان و ثابت قدمی کی روح تھی قوتِ ارادی انتہائی مضبوط تھی۔

 وہ اچھائیوں کو  برائیوں سے اور نیکی کو بَدی سے الگ کرنا چاہتا  تھا اُس  کے اس سفر  کا مقصد عوام کے اندر یہ شعور بیدارکرنا تھا کہ کیا اچھائی ہے اور کیا بُرائی  ہے وہ ہر فرد کے اندر یہ طاقت پیدا کرنا چاہتا تھا کہ وہ اچھائی کو اچھائی اور بُرائی کو بُرائی کہہ سکے اور اس کے خلاف آواز بَلند کرسکے۔ کیوں کہ بادشاہِ وقت بُرائیوں کو اچھائی بناکر پیش کررہا تھا  خدا ئی حدود کو پامال کرنے کے دَر پے تھا۔

سفر میں مسافر اور اس کےخاندان کے لوگ   جنگلوں ،پہاڑوں  اور دُشوار گزار راستوں سے گزرتے رہے راستے میں ہر طرح کے موسم ، گرمی، سردی، خشکی، غبار اور طوفانی بارشوں کا سامنا ہوا لیکن مسافر اور اس کے خاندان کے افراد ثابت قدمی سے اپنی منزل کی جانب بڑھتے رہے۔ مسافر تمام لوگوں کو دُنیا و آخرت کی سلامتی فراہم کرنا چاہتا تھا۔

مسافر نے خدائی قوت سے اور ہمدردی کی روح سے  جگہ جگہ اپنے خطبات سے لوگوں  کو سمجھانے کی کوشش کی۔
 وہ چاہتا تھا کہ لوگ عدل و انصاف سے رہیں۔ 

مسافرنے اُنہیں بتایا کہ خدا نے انہیں حاکم بنایا ہے محکوم نہیں ، اُنھیں آزاد بنایا ہے  غلام نہیں   

  اچھائی اور بُرائی کا امتیاز رکھیں اور اپنی طاقت ، حیثیت  اور اپنی ذہنی صلاحیتوں کو   ظالم کے لیے نہیں مظلوم کے لیےاستعمال کریں۔ مسافر نے سب کو  خدائی راستے کی ہدایت کی اور بادشاہ ِ وقت کو   خدائی حدود کی پامالی  سے باز رہنے تلقین کی۔

بادشاہ کو اس پر شدید غصہ تھا  اس نے مسافر اور اس کے خاندان والوں کو نقصان پہنچانے کی  ہرممکن کوشش کی۔ لیکن مسافر  قوت اور صبر سے کام لیااور اپنےمقصد پے قائم رہا۔مسافر نے اپنے ہر عمل سے دُنیا  کو واضح دکھایا   کہ مسافر اور اس کا خاندان خدا کی حمایت میں ہیں اور کوئی  بھی  شیطانی طاقت انھیں نہیں روک سکتی۔

راستے میں   مسافر کا سامنا  بادشاہ  کے سپاہیوں کی ایک جماعت سے بھی ہوا   اُس فوج کے سپہ سالار نے مسافر کا راستہ روکا

کچھ تلخ کلامی کی نوبت بھی آئی لیکن فوج کا سپہ سالار اس مسافر کو پہچان گیا تھا اور اُس مسافر کی حقیقت سے واقف تھا

اس لیے اُس نے احتیاط سے کام لیتے ہوئے خودکو مسافر کی بے ادبی سے باز رکھا اور اپنے گزشتہ رویے پر پشیمان ہوا

اس کے لشکر میں دانہ پانی  کا ذخیرہ ختم ہوچکا تھا اس کی فوج کے سپاہی اور جانور پیاس کی شدت سے بیتا ب ہورہے تھے
  مسافر نے یہ حالت دیکھ کر اپنے ساتھیوں کو حکم دیا کہ اِن کی فوج کے ہر سپاہی کو اس کی سواری (جانور) سمیت سیراب کیا جائے جانور جب تک پانی سے خود منھ نہ ہٹالے اس وقت تک اُسے پانی پینے دیا جائے  ۔

مسافر اُس سپہ سالار کی فوج کو مکمل سیراب کرنے کے بعد اپنے اہلِ خانہ کے ساتھ وہاں سے آگے بڑھا ۔

ادھر سپہ سالار مسافر کی خاندانی شرافت  کا پہلے ہی قائل تھا اور مسافرکے اس عمل کے بعد تو اپنی جانب سے کیےجانے والے عمل پر  ،اور بھی زیادہ شرمندگی محسوس کرتا رہا  کہ اُس نے اُس مسافر کا راستہ روکا تھا
یہاں تک  کہ ساری رات  سپہ سالار نے  خود کو ملامت کرتے ہوئے جاگ کر گزاری کہ میں نے اس مسافر کے ساتھ اچھا سلوک نہیں کیا  اس  سپہ سالارکا یہ اضطراب دیکھتے ہوئے اس کے غلام اور اس کے بھائی  نے سبب دریافت کیا تو سپہ سالار نے ساری بات بتاتے ہوئے اشکبار آنکھوں کے ساتھ کہا کہ میں  اس مسافر کے پاس مجرموں کی طرح ہاتھ باندھ کر اور آنکھوں پر پٹی باندھ کر جاؤں گا اُس کا دل بہت وسیع ہے اور مجھے یقین ہے کہ مجھے معافی مل جائے گی

اس کا غلام اور اس کا بھائی بھی سپہ سالار کے ساتھ ہولیے اور مسافر کے پاس آکر معافی مانگی مسافر نے سپہ سالار کو آگے بڑھ کر گلے لگالیا اور فرمایا : اپنی آنکھوں پر سے پٹی کھول دو  اپنے ہاتھوں کو بھی اس رسن سے آزاد کردو کہ تم آزاد ہو ۔ 

ٹیکنالوجی کی ضرورت بن جایئے

ٹیکنالوجی کی ضرورت بن جایئے

تحریر:عظیم عارضؔ

ایک زمانہ تھا جب انسان سواری کے لیے جانوروں گدھے ، خچر، گھوڑے اور ہاتھی   کااستعمال کرتا تھا، پھر انسان نے پہیہ ایجاد کر لیا

اور جیسے جیسے پہیہ گھومتا رہا سفری ذرائع میں ترقی ہوتی چلی گئی، کسی ایک آدمی کے منھ سے بھی یہ جملے سننے کو نہیں ملے کہ ہمیں تو گدھے، گھوڑوں کی ہی عادت ہے اب کون گاڑی چلانا سیکھے،

پُرانی گاڑی کے بعد نئی گاڑی نئی کے بعد مزید نئی  وقت گزرنے کے ساتھ ساتھ گاڑیوں میں بھی جدت آتی رہی سیکھتے گئے چلاتے گئے آگے بڑھتے گئے، زمانہ قدیم میں حساب کتاب پتھروں کے ذریعے کیا جاتا تھا، وقت مقرر 

کرنے کے لیے سورج  (یعنی دھوپ اور سائے )سے استفادہ کیا جاتا تھا ۔

بڑے بڑے اشتہارات مصور(پینٹر) ہاتھ سے بناتے تھے جن کے لیے کافی وقت درکار ہوتا تھا پھر ٹیکنالوجی نے ترقی کی توکیلکیولیٹراور کمپیوٹر (حساب کنندہ) ایجاد ہو گئے

پھر کمپیوٹر میں بھی مزید ترقی ہوتی رہی مصوروں کا کام بھی کمپیوٹر سے لیا جانے لگاجو کام کئی دنوں میں ہوتا تھا منٹوں میں ہونے لگا کسی نے نہیں کہا کہ اب یہ کمپیوٹر کون سیکھے یہ تو بہت مشکل ہے ہمیں تو پتھروں کی ہی عادت ہے، ہاتھوں میں محمول( موبائل)آ گئے

ایک دوسرے سے پوچھ پوچھ کر اس کا استعمال سیکھا انگریزی نہیں آتی تھی تو رَومن کا سہارا لیا مگر یہ نہیں کہا کہ ہمیں تو خطوط ہی کی عاد ت ہے ہمیں تو ٹیلی فون کی ہی عادت ہے یہ محمول کون چلائے اور اب کمپیوٹر اور محمول کی ترقی کے ساتھ  ساتھ اس میں اپنی قومی زبان جو ہماری پہچان ہے اس کی باری آئی تو اب کہا جاتا ہے کہ اُردُوٹائپنگ کون سیکھے رَومن سے کام چل رہا ہے نا،  حضرت !کام تو گدھے ، گھوڑوں سے بھی چل رہا تھا، پتھروں سے بھی چل رہا تھا، رَومن سے بھی چل رہا ہے مگر کیا مقصد صرف کام چلانا ہی ہوتا ہے یا کام کو احسن طریقے سے انجام دے کر اُس سے بہتر فوائداورنتائج حاصل کرنا ہوتا ہے ٹیکنالوجی ہماری دسترس میں ہے ٹیکنالوجی کو اپنی ضرورت بنانے سے بہتر ہے خود اس کی ضرورت بن جائیے اور یہ تب ہو گا جب آپ اس سے اپنی زبان میں بات کریں  مقصد ہر گز یہ نہیں ہے کہ آپ دوسری زبان نہ سیکھیں ہر زبان سیکھیں جو سیکھنا چاہتے ہیں جو ضروری ہے لیکن اپنی زبان کو لازمی ترجیح دیں   اور ٹیکنالوجی کی ترقی نے تو اب یہ کام بھی بہت آسان کردیا ہے کہ آپ اپنی زبان بول کر بھی لکھ سکتے ہیں (وائس ٹائپنگ)  اپنی زبان میں لکھ کر کمپیوٹر سے بُلوابھی سکتے ہیں  (ٹی ٹی ایس)  کیوں کہ جب آپ کی زبان ٹیکنالوجی کی ضرورت بنے گی تو آپ خودبخود ٹیکنالوجی کی ضرورت بن جائیں گے ۔ 

learning and earning

 

learning and earning

1. Graphic Designing

2. Social Media Marketing

3. Network Marketing 

learning and earning

Good News

Admission Open in Professional Courses
course duration 1 month

registration & course fee = 2000/-

Monday to Thursday

each class duration = 1 hour

Professional courses | Professional guidance

Eligibility 

Android Mobile
Personal Computer or Laptop

after learning that you are unique and you can earn up to 200 to 3000 per day

No age limit

network marketing

social media marketing

Other Courses 

1. Video Editing
(Mobile Applications)

2. Fiverr-Freelancing

3. UpWork-Freelancing

4. Blogging
(Urdu / English)

5. Google Docs

7. Google Sheets

8. Digital and Offset Printing